̶S̶a̶r̶a̶ retweeted
الجزء الثاني...
جلست في مكتب المحامي وكان إخوان زوجي موجودين وكل واحد فيهم يحاول يعرف وش داخل الملف
شغّل المحامي التسجيل وطلع صوت زوجي يقول:
«إذا أنتم تسمعون كلامي الحين فهذا يعني إني مت وأتمنى إنكم تكونون حافظتم على زوجتي وعيالي مثل ما وصيتكم»
ثم سكت لحظة وأكمل
«أنا أعرف إنكم تختلفون معي في بعض الأمور وأعرف إن بعضكم يشوف إن زوجتي ما لها علاقة بتجارتي وأملاكي لكن أبيكم تعرفون إنها وقفت معي يوم ما كان عندي شيء وكانت شريكة تعبي من أول يوم»
هنا بدأ أخوه الكبير يتوتر
واصل زوجي كلامه
«الشركة تعبت عليها سنوات وعندي مستندات رسمية توضح حقوق كل واحد وما أبي أحد يستغل وفاة أخوه عشان يأخذ حق عياله»
بعد انتهاء التسجيل التفت أخوه الكبير للمحامي وقال بعصبية:
«وش يعني الكلام هذا؟ إحنا إخوانه ومن حقنا نعرف كل شيء!»
رد المحامي: «كل شيء موثق والحقوق بتوصل لأصحابها حسب المستندات الرسمية»
لكن المفاجأة إن المحامي أخرج ظرفاً ثانياً وقال لي:
«زوجك طلب مني أسلّمك هذا الظرف بنفسك بعيداً عن إخوانه»
فتحته ولقيت رسالة بخط زوجي مكتوب فيها:
«حبيبتي إذا وصلتك هالرسالة أبيك تعرفين إني كنت مخبي عنك موضوعاً كبيراً وما قدرت أقوله لك وأنا عايش»
قرأت الجملة أكثر من مرة ثم وصلت للسطر الأخير
وكان مكتوبا
«الولد اللي كان يزورني كل خميس في المستشفى مو واحد من إخواني ولا من أصدقائي… اسألي عنه وبتعرفين ليش كنت أخاف عليك»
رفعت رأسي ونظرت للمحامي وقلت:
«مين هذا الولد؟ وش علاقته بزوجي؟»
المحامي تنهد وقال:
«قبل ما أجاوبك لازم تعرفين إن زوجك كان يساعد هذا الشاب من سنوات وكان عنده سبب ما يقدر يكشفه لأحد»الجزء الثالث والاخير قريب 🤭





















