محراب الثقافة ‏

كان في دب اسمه دبدوب. كل ماضاق صدرة، فتح علبة الحلا. وكان لوز يقول له: خفف يادبدوب، انتبه لصحتك. ويرد عليه دبدوب: خلني أستانس. لين تدهورت صحته، وصار مشوار العيادة يتكرر. ويوم رجع من موعده، لقاه لوز يفتح علبة الحلا من جديد. قال له: يادبدوب ماقلت لك تنتبه لصحتك . قال دبدوب: أدري بس اليوم ضايق صدري. قال لوز: إذا جعت، خذ لك سلطة مع شي يشبعك ويفيد جسمك. واذا ضاق صدرك، تعال اقعد جمبي وقل لي وش فيك. قفل دبدوب العلبة، وجلس جمب لوز وقال: عندك وقت؟؟ السالفة طويلة. تدري؟؟ مو كل ما ضاق صدرك رحت تاكل حلويات هي وناسة مؤقتة، بس اذا صار الافراط فيها عادتك مع كل ضيقة، تصير جريمة بحق جسمك. صحتك عكازك في الحياة، واذا فقدتها حتي الأشياء اللي كنت تستانس فيها ماعاد لها نفس الطعم.

كان في حصان حرب اصيل يلبس حرير وياكل من افخر مايكون من الطعام وكان يناظر من اسطبله الكشخة لحصان ضعيف يدور في طاحونة ويجر حجر الرحى. ويقول له باستهزاء: تدور زي العبد في الغبار وانا اتمشى مثل الملوك طول اليوم. حصان الطاحونة ما رد عليه وكمل شغله وهو ساكت ويوم جات الحرب ركب القائد حصانة واندفع في قلب المعركة وطاح القائد وانصاب الحصاب وطاح بالدم والطين لين فطس. أما حصان الطاحونة كمل يدور مكانه ويأكل عشاه بسلام. حسيت ان فيها حكمة..بس ماعرفتها ..! فكرت فكرت فكرت لين تعبت اللي عرف الحكمه يكتبها لي في التعليقات؟؟