لا تحتري رجعتي رح سمح الله خطاك
لا تنشغل في تفاصيلي ولا تتطلع
النفس عافت دروبك وسْمحت من هواك
ما ذقت طعم الفرح وياك ذقت الهلع
زرعت فيك اهتمامي لين بيّن غلاك
هذا حصاد الغلا الزايد و زود الدلع
ما قلت لي غير صمتي وش لقيته وراك
اللي على جدار صدري بالرحيل انخلع
خلاص ما عاد يعنيني زعلك ورضاك
ما عاد خليت فيني ما يثر الولع
ابشرّك طاب من وصلك خفوقي هذاك
لا تحاول تطلّع اللي بخاطرك ما طلع
قدرت اعايش غيابك ليش اكمّل معاك
عرفت وشلون اطفّي النار لو تندلع
حالي على ما أحب و سعد عيني جفاك
تشعشع النور بعدك والظلام انشلع
الشكر موصول لـ اهمالك و حضرة خطاك
خلّوك بعيوني الثنتين ما تنبلع .
عاشقك من يوم غبتي والفرح عنه مهاجر
مالقى غيرك سلامة عمر يامال السلامه
لو اوزع همي الي في ضميري صرت تاجر
تحت عنوان الموزع '' للهموم وللندامه ''
اعتزلت من الكلام الي مثل ضرب الخناجر
وكتفيت بدمعي الي طاح عز الله مقامه
من يحسب ان الكلام ابلغ من الي فالمحاجر
صارت دموعه على خدينه ابلغ من كلامه
( يالفارقه ) يالمعدن اللي ما يبور
انتي على صدر الصدر منتي طرف
ما ظني امك شالتك ( تسعة شهور )
ما جابتك من بطنها .. لو تحلف
اظن جيتينا من ( اعماق البحور )
يا دانةٍ ما جات من محض الصدف
انتي من اللي سببت ( غلا المهور )
طيب النسب والزين غالي للاسف
احتاج في وصفك على فكر وشعور
والهام ابن جدلان و اسهابة خلف
منتي قصيدة عابرة بين السطور
انتي قصيدة في غلاف المختلف
من ينولد بعدك من ( ايناث وذكور )
من الجمال يقول .. ما عندك سلف ؟
كن الجمال : اللي على مر العصور
مر العصور .. ويوم جا عندك .. وقف
1
2
448
الجمال ،،،، اللي مخـليني " أحـبس أنفاسي "
ما قدرت اجمع وصوفه فأمسيه وأصبوحه
تستحقين الـقصيد الـزين ، "من هوجاسي "
مستحيل اطرح عليك ! الفكرة الـمطروحة
التفـاصيل الـدقيقه ،،، فـيك جابت راسي؟
يا مليحه من قـدر ف أوصـافك الـمملوحه
كل يـوم ،،، وطـلتك هـذي تثير احـساسي
عاشقك ،،،،ضـيّع حـياته ما بلغ مـصلوحه
الـغياب الـلي مـخليني ،،،،، " أخلي نـاسي"
لا متى و انتي على أرضه تـعمرين صـروحه
قلت لك ، عشت الحياه الفانية ، متناسي !
ولا انا مـجروح ، و أخـلاقي بعد مـجـروحه
صـورتك ، ما ترتبط مـع حـزني و مع ياسي
عاشقك صـرتي معه " فالجيه و فالروحه"
لا تـحدينه على بـعض،،" الـكلام الـقاسي "
يمكن ، انه قـبل يطلع منْه ،،،، تطلع روحه؟
2
208




