Advaid അദ്വൈത്

ഇടതുപക്ഷ സർക്കാർ വർഗീയത ഒളിച്ചുകടത്തുന്നു എന്ന കള്ള കഥകൾ മേഞ്ഞും, സതീശനെ 'മതനിരപേക്ഷതയുടെ കാവലാൾ' ആക്കി തലയിലേറ്റി നടന്ന മീഡിയാവണിനും ഔട്ട് ഓഫ് ഫോക്കസിനും ഒടുവിൽ ബോധം വന്നിരിക്കുന്നു!.. ഇപ്പൊ സതീശൻ മാത്രമല്ല ആ മന്ത്രിസഭ മൊത്തം കറിയയെ താലോലിക്കുകയാണ്.. Hehe അനുഭവിച്ചോ!! പിന്നെ...ഇപ്പൊ തന്നെ മുഴുവൻ കരഞ്ഞു തീർക്കല്ലേ... ഇനിയും കുറെ കറയാനുള്ളതല്ലേ..

ഒരു ജനാധിപത്യ സർക്കാരിന്റെ പരമപ്രധാനമായ കടമ പൗരന്മാരുടെ പ്രാഥമിക ആവശ്യങ്ങളായ അന്നവും, വിദ്യാഭ്യാസവും, ആരോഗ്യവും വിട്ടുവീഴ്ചയില്ലാതെ ഉറപ്പുവരുത്തുക എന്നതാണ്. ഈ ഉത്തരവാദിത്വം നിറവേറ്റിയ ശേഷമേ മറ്റു ഭരണച്ചെലവുകൾക്ക് മുൻഗണന നൽകാവൂ എന്ന സാമാന്യനീതിയാണ് ഏതൊരു ഭരണത്തിന്റെയും അടിത്തറ. മുൻപ് കടുത്ത സാമ്പത്തിക പരിമിതികൾക്കിടയിലും കിഫ്ബിയും, ആർദ്രം മിഷനും, പൊതുവിദ്യാഭ്യാസ സംരക്ഷണ യജ്ഞവുമൊക്കെ വഴി കേരളത്തിലെ സ്കൂളുകളും ആശുപത്രികളും റോഡുകളും വിപ്ലവകരമായി നവീകരിക്കപ്പെട്ട ഒരു കാലമുണ്ടായിരുന്നു. അന്ന് വികസനത്തിനായി വായ്പയെടുത്ത തുകയിൽ വലിയൊരു പങ്ക് ചെന്നെത്തിയത് പൊതുവിദ്യാലയങ്ങളിലെ ഹൈടെക് സൗകര്യങ്ങളിലേക്കും, കുട്ടികൾക്കുള്ള സൗജന്യ ഉച്ചഭക്ഷണത്തിലേക്കും, സർക്കാർ ആശുപത്രികളിലെ ജീവൻരക്ഷാ മരുന്നുകളിലേക്കുമായിരുന്നു. ജനങ്ങളുടെ നികുതിപ്പണം നാടിന് ശാശ്വതമായ സാമൂഹിക ആസ്തികളായി മുന്നിൽ കാണാൻ സാധിച്ചിരുന്നു എന്നതാണ് ആ വികസന മാതൃകയെ ജനകീയമാക്കിയത്. എന്നാൽ ഇന്ന് കാണുന്നത് ഈ മുൻഗണനകളുടെ സമ്പൂർണ്ണമായ തകിടംമറിയലാണ്. പ്രതിപക്ഷത്തിരുന്നപ്പോൾ സാമ്പത്തിക അച്ചടക്കത്തെക്കുറിച്ച് വാചാലരാവുകയും, അധികാരം കിട്ടിയപ്പോൾ ഖജനാവ് കാലിയാണെന്ന് പറഞ്ഞ് ചെലവുചുരുക്കൽ പ്രഖ്യാപിക്കുകയും ചെയ്തവർ ഇപ്പോൾ ചെയ്യുന്നത് തികച്ചും വലിയ വിരോധാഭാസമാണ്. സ്കൂളുകളിലെ ഉച്ചഭക്ഷണത്തിന് ഫണ്ട് തികയാതെ വരികയും സർക്കാർ ആശുപത്രികളിൽ സാധാരണക്കാർക്ക് അത്യാവശ്യ മരുന്നുകൾ ലഭിക്കാതിരിക്കുകയും ചെയ്യുമ്പോൾ തന്നെയാണ് മന്ത്രിമാർക്കും ഉദ്യോഗസ്ഥർക്കുമായി 6.71 കോടി രൂപ മുടക്കി അത്യാധുനിക ആപ്പിൾ ഐപാഡുകൾ വാങ്ങിക്കൂട്ടുന്നത്. അന്ന് നാടിന്റെ വികസനത്തിനായി വായ്പയെടുത്തതിനെ പരിഹസിച്ചവർ ഇന്ന് അതേ കടമെടുപ്പ് പരിധി ഉയർത്താൻ കേന്ദ്രത്തോട് യാചിക്കുന്നതിനൊപ്പം, യാതൊരു ശാശ്വത ആസ്തിയും സൃഷ്ടിക്കാത്ത ഇത്തരം ആഡംബരങ്ങൾക്ക് ജനങ്ങളുടെ പണം ധൂർത്തടിക്കുന്നു. .. ഹൈപോക്രിസിക്കും ഒരു പരിധിയില്ലേ?