Pinned Tweet
"شخص مات ويتصدق عنه أصدقاؤه شهريا، وغيره يستيقظ في أواخر الليل ليدعو الله لصديقه الراحل ، اللهم ارزقني صحبة طيبة تذكرني بعد رحيلي بالدعاء."
. retweeted
ياوجه الرفاقة حال دون الظنون ظنون
قضيتك سهلة وانت تتعب على الفاضي
قبل تبتلش بـ محاميٍ يعرف القـانون
ما سلمـتها لـ محاميٍ يعـرف القـاضي
للمجرم / سعد محسن الدوسري
"كل مايلمع سنا البرق في عرض النصوب
والهوا المامور كنه يمسه بظهره
قلت جعله في مداهيل سلاب القلوب
اطرقٍ ولي على عرش قلبي وعمره
تستحبه وجهة الغيم وانسام الهبوب
يوم براق الحـيا مثل براق نحره
لو يعرف المـزن سرٍ ورا ذيك الدروب
مايجنب عن جهتها هماليل مطره"
- عزام الشعيفاني
. retweeted
في مثاني نجد الانجد وأيسره وعلّوه
كن مزن الوسم من بعد البطاء متعذّر
كل ما لاحت بروقه في مقادم نوّه
قامت الأرصاد ترسل والدفاع يحذّر :)
أجمل الابيات عن المطر :
جعل غيمٍ يفرّح خاطرك ما يزول
وجعل كل الليالي فيك متباركه
_ ناصر مناحي
و اذا طاح المطر و البرق لاح و قرّب المرباع
ذكرت اللي تجيني راضيه و تروح مغصوبه
_ بدر بن ذنبوح
صوتين تسرف بالشعور وربّك
تاخذني من الارض لين الغيمه
صوتك إذا عبرت لي عن حبّك
وصوت المطر على شراع الخيمه
_ ناصر مناحي
أنا أول من يبشر بالحياء مبطي لكن ذالحين
يصب و لا يطفي جمرهً في داخلي حيه
_ فهد بن فلاح
كيف يلحقني من الوقت و الأيّام روع ؟
و أنت مدّاتك سحابة و فزعاتك وبل
_ راشد ال صبيح
سيلي مع الأمطار يا بنت الرحيق
من جاك ما قدّامه الا العافيه
الجو هذا لا لنوم و لا طريق
لوجهك أنتي و الوزن و القافيه
_ ناصر مناحي
تغريني البسمه على وجهك الزين
مثل ما يغريني المطر في بلادي
_ مهدي سميطان
صار عقد الماس في لبة نحرها
مثل حبات المطر على القزازة
_ ناصر الحمادين
المطر و الغيم ربي جمعهم فـ الرياض
باقي أنت .. الله يجيبك مثل ما جابهم
_ عبدالله السراهيد
يا قبلة الروح مدري قبلة المترفات
مازال حبك مقيم و ذكرياتك .. عطر
لو تكثر الامنيات ؟ و تكثر المغريات ؟
مالي طمع غير في صوتك و صوت المطر
_ محسن بن مترك
لا تحسب انه مطر هذي دموع السحاب
حست بحزني عليك و هلّت دموعها
_ بندر الدويش
ماحسدت المطر على مكان النزول
لين بلل جدايلها و هي ضاحكه
_ ناصر مناحي
شخاتير وبله قبل تاصل حدود القاع
شعر ضبي ٍ البارود متمثنيً جوفه :)
_ محسن بن مترك
أرعدي يا رعود وزبّري يا سحايب
وارجدي الارض بالما العذب منّا ومنّا
تالي العمر خام أبيض وقبر ونصايب
جعل من يجحد المعروف ماهوب منّا
_ سعد الموقي
حتى المطر يوم سيّل فوق الأرض اليباب
قلنا: السما تبكي وقال: السما تحتفل
_ مزيد الوسمي
. retweeted
مالي ومال السكّه البطّاله
واهل الحكي والعالم المحتاله
إليا لحقني من رفيقي سيّه
اما آصله ، والا اعرف جوّاله
والا الضعّيف ماهو بندّ ٍ لي
لو قال عني بالخفا ماقاله
انا ليامني زعلت اواجه
وهو لازعل حط (اجهدِه) بالحاله
:)
. retweeted
ما للمشاريه داعي ياصديق المزوح
وتقزيره الوقت واللعبه وهرج السعه
كنت احسب انك وفّي لاعاقبتني الجروح
ولا شان وجه الزمان وشانوا اللي معه
ابغى صديقً لو يشوف الخطأ مايبوح
مابغى صديق يصدق كل مايسمعه
ياكم صديقً مثل وضع الخروف النطوح
ناطحك ناطحك دور بس وش يقلعه
صباح الخير يا أصدقاء،
أمّا بعد،
يقول فهد العيبان:
اللي سواتك تِقصَر الرِجل دونه
مالي ومال مْليّمين المهابيل !
يانفس شومي عن محلٍ يجونه
نقّالة النمّه هلْ القال والقيل
لك منزلٍ عسْر ، و ذريّه رْكونه
ماهوب في وادي ويشتاله السيل
من حطّ نفسه في طريق المهونه
لا يزعل الى من وطوه الرياجيل
الله عليك ي راشد بن قطيما /
الشاعر ذا مبدع ونا من معجبينه لله دره
ابن قطيما مثل ابو زيد اللي خويه ما يسلم
-
قله لمن لا يفقه العلم لعن الله ابوك
صحبة ماهيب لله تاليها خزا
اما انا عارف وعندي ملجمة الحنوك
شاعرٍ راهي وربعي بعيدين مغزا
مستعد ابكي اللي على القمة بروك
مثل ما بكى المشاهير " عبدالله جزا "
. retweeted
يقول الشاعر :
أدري إنك فاللزوم المعتبر متواجد
خابرك سيفٍ شطير و وقفتك ضامنها
لا تقول إني تعديتك فـ أمورٍ واجد
والله إني ذاخرك لأمورٍ أكبر منها
_ هذا والله اللي وراء الهقاوي ولاهو دونها .
. retweeted
قيل للإمام الأوزاعي ما كرامة الضيف ؟
قال : طلاقة الوجه
يقول مطلق الطايعي :
بيتٍ هلَه طرمان ماهوب مدهول
الضيف يبغي له فصيحٍ يهلي..
. retweeted
الحياه .. " تغيّر قلوب وتغير وجيه "
الا من ربي يعينه على درب الهدى
ينقل الطيّب جروحه بكلمة ( ماعليه )
اصلاً الطيّب مبرمج على قولة ( فدى )
والله ان ابوي معطيني الراي الوجيه
عاد للي قاله ابوي في راسي .. صدى
لا طرا لك طاري الطيب لاتحتار فيه
افعله وان راح ماراح عند الله سدى













