اے میرے غیور پختون نوجوانو، ذرا ٹھنڈے دل سے سوچو اور اپنے گریبان میں جھانکو کہ لسانی تعصب اور نفرت کے نام پر آخر کون لوگ تمہیں ورغلا رہے ہیں؟ جس قوم پرستی اور عصبیت کو ہمارے پیغمبر حضرت محمد مصطفیٰ ﷺ نے گندے کیڑے سے تشبیہ دے کر ہمیشہ کے لیے باطل قرار دیا، آخر کس کے کہنے پر تم اسے اپنے گلے کا ہار بنا رہے ہو؟ تمہیں کس کے اشاروں پر اس ملک سے بدظن کرنے کی کوشش کی جا رہی ہے جو عالمِ اسلام کی پہلی اور واحد ایٹمی قوت ہے، جس کے مضبوط حصار کی آرزو دنیا کا ہر اسلامی ملک کرتا ہے اور جو حرمین شریفین کا پاسبان ہے تمہیں کون لر او بر ایک افغان کے نعروں سے دھوکہ دے رہا ہے؟ تاریخ کا سنجیدگی سے مطالعہ کرو تو حقیقت عیاں ہو جائے گی کہ کابل اور پختونخوا دو بالکل الگ تاریخیں ہیں۔ پختونخوا کی تاریخ جرات، خودمختاری اور اپنے آزادانہ فیصلوں کی تاریخ ہے جہاں پختونوں نے اپنے امن اور عزت کے لیے محنت کی، لیکن کبھی اپنے گھر بار چھوڑ کر فرار کا راستہ نہیں اپنایا۔ پولیٹیکل سائنس کا بنیادی اصول ہے کہ لسانی بنیادوں پر کی جانے والی سیاست ہمیشہ تباہی اور بربادی کا پیش خیمہ بنتی ہے۔ اس کی سب سے بڑی مثال افغانستان کے سردار داؤد خان کا دور ہے، جنہوں نے اپنے سیاسی مفادات کے لیے پختونوں کو لسانی جذبات پر ورغلایا۔ ذرا سوچو، اس جذباتی سیاست نے پختون قوم کو کیا دیا؟ اسی پرتشدد اور لسانی سیاست نے افغانستان کو دہائیوں پر محیط جنگ، غیر ملکی مداخلت، لاکھوں پختونوں کی شہادت اور کروڑوں کے بے گھر ہونے کی دوزخ میں دھکیل دیا۔ جس لسانی اور پرتشدد نعرے نے کابل کو ویران کیا، وہی نعرہ آج تم سے تمہارا سکون اور گھر کا امن چھیننے کی کوشش کر رہا ہے۔ ہمیں یہ بات سمجھ لینی چاہیے کہ پاکستان ہی وہ ملک ہے جس نے پختونوں کو سب سے زیادہ عزت، تحفظ اور معاشی حاکمیت دی۔ ہمارے ملک کی دیگر اقوام عموماً اپنے ہی صوبوں تک محدود رہ کر کاروبار اور روزگار کرتے ہیں، مگر پختون محنتی قوم ہیں جو رزقِ حلال اور بہتر مستقبل کی تلاش میں ملک کے کونے کونے تک پھیلی ہوئی ہیں۔ آج پاکستان کی معیشت، سیاست اور انتظامی امور میں آپ کا بلا شرکتِ غیرے راج ہے۔ پنجاب، سندھ، بلوچستان اور وفاقی علاقوں میں پختونوں کی دکانیں، ہوٹل، ٹرانسپورٹ اور انڈسٹریز مکمل آزادی اور عزت کے ساتھ چل رہی ہیں، جہاں نہ کوئی تعصب ہے اور نہ ہی کوئی نفرت۔ صرف پنجاب میں ایک کروڑ سے زائد پختون پرامن طریقے سے مقیم ہیں، دنیا میں پختونوں کا سب سے بڑا شہر کراچی ہے جہاں 60 لاکھ سے زائد پختون برسرِ روزگار ہیں،خیبر پختونخوا اور بلوچستان تو تمہارا اپنا گھر ہی ۔بعض عناصر قوم کو تقسیم کر کے اپنی مردہ سیاست کو زندہ رکھنا چاہتے ہیں، مگر سچ یہ ہے کہ پختون پاکستان کے امن، بھائی چارے اور ترقی سے گہرے جڑے ہوئے ہیں۔ تعلیمی و انتظامی مسندوں سے لے کر صنعتی و طبی میدان تک پختون قیادت کر رہے ہو۔ ہائر ایجوکیشن کمیشن اور پی ایم ڈی سی کے سربراہان پختون ہیں، صرف پنجاب کی جامعات میں تین ہزار سے زائد پشتون پی ایچ ڈی سکالرز خدمات انجام دے رہے ہیں۔ تعمیراتی انڈسٹری کا شاہکار ZKB کمپنی ہو، آٹو موبائل میں ہینو اور ڈائیو کے پلانٹس قائم کرنے والے سینٹر غفران ہوں، چیرات سیمنٹ اور گندھارا انڈسٹریز ہوں، ہائیر الیکٹرانکس، جاز ٹیلی کام میں سرمایہ کاری، HBK Blankets، اسلام آباد کا Eighteen ٹاؤن ہو، قائد اعظم اور کلثوم انٹرنیشنل جیسے میگا ہسپتال ہوں، نیازی بس سروس ہو یا ملک بھر میں پھیلے ہزاروں کوئٹہ و شینواری ہوٹلز، یہ سب تمہاری انتھک محنت کا روشن ثبوت ہیں۔ یہ سب کچھ ہمیں پاکستان نے دیا ہے ورنہ قیامِ پاکستان سے قبل جس خطے میں اعلیٰ تعلیم کا تصور بھی مشکل تھا، وہاں آج صرف خیبر پختونخوا میں 36,000 سے زائد سکولز، 300 سے زائد سرکاری ڈگری کالجز اور 32 سے زائد جامعات قائم ہیں جو ہر سال لاکھوں پختون بیٹے اور بیٹیوں کا مستقبل سنوار رہی ہیں۔ ریاست اپنے شہریوں کو مفت تعلیمی سہولتیں، کتابیں، جدید موٹرویز، سڑکیں، بجلی، گیس اور ملک بھر میں پشاور سے کراچی، لاہور، اسلام آباد اور کوئٹہ تک بلا تفریق تجارت و ملازمت کے مواقع فراہم کر رہی ہے۔ پاکستان صرف نقشے پر بنا ہوا ایک ملک نہیں، یہ آپ کا گھر، آپ کی شناخت اور آپ کی آنے والی نسلوں کے مستقبل کا ضامن ہے۔ ہمیں فخر ہے کہ ہم پاکستانی پختون ہیںمحنتی، باوفا اور وطن پرست۔ دشمن وہ ہے جو پختون، پنجابی، بلوچ اور سندھی کے درمیان نفرت کے بیج بو کر اس وطنِ عزیز کو کمزور کرنا چاہتا ہے، مگر ہم ان کے ناپاک عزائم کو کبھی کامیاب نہیں ہونے دیں گے آؤ! لسانی سیاست، قوم پرستوں کے بچھائے ہوئے فکری جال اور ہر قسم کے تشدد کو مسترد کرتے ہیں، اپنے پشتونولی کے وقار کو قائم رکھ کر پاکستان کو ترقی یافتہ بنانے میں اپنا تاریخی کردار ادا کرتے ہیں ہماری پہچان پاکستان ہماری شان پاکستان – at Peshawar, Pakistan

عمران تیرے جانثار پورے خیبر پختونخوا میں صرف 1500 سے دو ہزار 😆 یہ حال ہے خود دیکھ لو وڑ گیا بالقسط مارچ – at Peshawar, Pakistan