مذاکرات کو مراد سعید نے سبوتاژکیا، سہیل آفریدی مراد سعید سے فیصلے کیوں کروا رہا تھا، ان کی اپنی کابنیہ کے لوگ کہہ رہے ہیں ہمیں مراد سعید نے مروا دیا، محسن نقوی

خیبر پختونخوا میں معدنیات کے لائسنسز کی حقیقت (سرکاری اعداد و شمار کے مطابق): قیام پاکستان سے 2010 تک خیبر پختونخوا میں معدنیات کے صرف 482 لائسنس/ٹائٹلز جاری ہوئے تھے۔ پی ٹی آئی کی صوبائی حکومتوں کے دور میں یہ تعداد تیزی سے بڑھی۔ 2020 تک 1,762، فروری 2024 تک 3,962، اور موجودہ وقت میں کل 4,917 مائننگ لائسنسز جاری ہو چکے ہیں۔ ان میں سے 4,133 آباد اضلاع میں اور 784 ضم شدہ اضلاع میں ہیں۔ اس پورے عرصے میں عسکری ادارے FWO کو صرف ایک لائسنس ملا، جو 2015 میں شمالی وزیرستان کے بویا علاقے میں دیا گیا تھا، جہاں FWO تعمیراتی اور بحالی کے کاموں میں مصروف رہا۔ حالیہ عرصے میں فوج نے ریٹائرڈ افسران اور ان کے خاندانوں کے تقریباً 40 لائسنسز کی منسوخی میں بھی کردار ادا کیا۔ اس وقت 500 سے زائد نئی درخواستیں زیر غور ہیں، جن میں سے کوئی بھی عسکری ادارے کی جانب سے نہیں ہے۔ معدنیات کی فروخت اور ریگولیشن کا باقاعدہ قانونی فریم ورک 2017 کے Mines and Minerals Act کے تحت شروع ہوا، جو پی ٹی آئی حکومت کے دور میں منظور ہوا۔ اس عرصے میں محکمہ معدنیات کی آمدن بھی بڑھتی رہی، جو 2016-17 میں تقریباً 2.17 ارب روپے سے بڑھ کر 2024-25 میں 7.43 ارب روپے تک پہنچ گئی۔ تاہم آڈٹ رپورٹس اور نیب کی جانب سے سونے، فاسفیٹ اور دیگر معاملات میں غیر قانونی کان کنی، کم ریزرو قیمت، ریکارڈ نہ رکھنے اور ماحولیاتی اجازت ناموں کی خلاف ورزیوں کے الزامات بھی سامنے آئے ہیں، جن پر تفتیش جاری ہے۔ مختصر یہ کہ معدنیات کے لائسنسز کی بڑی تعداد پی ٹی آئی دورِ حکومت میں جاری ہوئی، جبکہ عسکری اداروں کا اس شعبے میں براہِ راست حصہ انتہائی محدود رہا ہے۔ اب یہ سوال اہم ہے کہ اتنے بڑے پیمانے پر جاری ہونے والے لائسنسز سے صوبے اور عوام کو کتنا حقیقی فائدہ پہنچا، اور شفافیت، آڈٹ اور قانون کی پاسداری کہاں تک یقینی بنائی گئی۔؟؟ سید عدنان بادشاہ @fkkundi @TararAttaullah @SamarHBilour @IqbalAfridiPTI