scatter ✍️

Shugaba Bola Ahmed Tinubu bayan an ba shi dama ta musamman ta shiga cikin ɗakin cikin Ka’aba mai alfarma da ke birnin Makkah, a ƙasar Saudiyya, bayan kammala aikin Umrah (Ƙaramin Hajji). A yayin da yake magana, Shugaba Tinubu ya ce: “Na roƙi Allah Ya ba ni hikima da juriya domin in ci gaba da yi wa al’umma hidima, kuma na san Allah Ya amsa wannan addu’a ta. Kafin zaɓen shekarar 2023 ma, na zo na yi irin wannan ibada. Na roƙi Allah Ya karɓi Umrah ɗina, kuma Ya karɓa. Yanzu na dawo ne domin gode Masa.” #ArewaforAsiwaju #A4A

Sheikh Dahlulah Muthawal na Masallacin Harami, Shugaba Bola Ahmed Tinubu da jami’in kula da harkokin ladabi da tsarin tarbar baƙi na gwamnati, Ahmad Zafeer, a yayin buɗe Ka’aba mai alfarma domin Shugaba Tinubu ya shiga cikinta, a Masallacin Harami da ke birnin Makkah, ranar Lahadi. #ArewaforAsiwaju #A4A

Najeriya da China sun rattaba hannu kan yarjejeniyar tallafin dala miliyan 30 domin ayyukan raya al’umma. Najeriya da China sun cimma yarjejeniyar bayar da tallafin dala miliyan 30 domin gudanar da ƙananan ayyukan ci gaba a matakin al’umma a faɗin ƙasar nan. An rattaba hannu kan yarjejeniyar a Abuja ƙarƙashin shirin China mai suna “Small but Beautiful”, wanda aka tsara domin tallafa wa ayyukan da za su inganta rayuwar jama’a kai tsaye. Ministan Kasafin Kuɗi da Tsare-tsaren Tattalin Arziki, Atiku Bagudu, ya bayyana cewa tallafin zai ƙarfafa shirin Shugaba Bola Ahmed Tinubu na Renewed Hope Ward Development Plan, wanda ya shafi dukkan gundumomi 8,809 na Najeriya, domin tabbatar da cewa ci gaba ya isa ga al’umma a dukkan sassan ƙasar. #ArewaForAsiwaju #A4A

APC ta bayyana cewa tana da mambobi miliyan 13 da kuma sama da shugabannin tsare-tsaren jam’iyya 261,000 a faɗin Najeriya gabanin zaɓen 2027. Shugaban jam’iyyar na ƙasa, Farfesa Nentawe Yilwatda, ya bayyana hakan yayin ganawarsa da tawagar ECOWAS a Abuja, ƙarƙashin jagorancin tsohon mataimakin shugaban ƙasar Saliyo, Victor Bockarie Foh. Ya ce APC tana da gwamnonin jihohi 31 daga cikin 36, kujeru 88 a Majalisar Dattawa da 208 a Majalisar Wakilai. Haka kuma, sama da mutum 7,000 ne suka nemi tikitin takarar jam’iyyar a zaɓen 2027. Yilwatda ya ƙara da cewa APC ta ƙaddamar da kwamitin yaƙin neman zaɓenta, tare da fara shirye-shiryen zaɓe. Ya kuma buƙaci INEC ta tabbatar da adalci da bin ƙa’idoji iri ɗaya ga dukkan jam’iyyun siyasa. A nasa ɓangaren, shugaban tawagar ECOWAS ya ce ziyarar na da manufar tantance shirye-shiryen Najeriya domin gudanar da sahihin zaɓe cikin ’yanci da adalci a shekarar 2027. #ArewaForAsiwaju #A4A

Mataimakin Shugaban Ƙasa, Kashim Shettima, tare da Shugaban Jam’iyyar APC na Ƙasa, Farfesa Nentawe Yilwatda, sun ruga zuwa kan dandamali suna yin shahararriyar rawar Mataimakin Shugaban Ƙasar a gangamin yaƙin neman zaɓen shugaban ƙasa na APC da aka gudanar yau a jihar Cross River. #ArewaforAsiwaju #A4A

A yayin gangamin yaƙin neman zaɓen APC, Sanata Adams Oshiomhole ya ce: “Idan har Peter Obi ya kasa gyara jihar Anambra a cikin shekaru takwas da ya yi yana mulki, ta yaya zai kalli ku ido-da-ido ya ce shekaru huɗu kawai yake buƙata don gyara Najeriya? Atiku ya ce kada mu je mu yi addu’a, to shikenan. Amma Atiku yana zaune ne a Dubai. Sai jajibirin kowane zaɓe yake dawowa gida, kuma zai sha kaye a watan Janairu. Zuwa watan Fabrairu, zai koma Dubai.” #ArewaforAsiwaju #A4A

Matan Arewa sun haɗa kai domin nuna goyon baya ga sake zaɓen Tinubu a 2027 Dubban mata ne suka taru a Kano wajen ƙaddamar da ƙungiyar Northern Women 4 Tinubu Again (MATA), inda suka bayyana aniyarsu ta tallafa wa Shugaba Bola Ahmed Tinubu a matakin ƙananan hukumomi da al’ummomi domin zaɓen 2027. Taron ya samu halartar manyan jiga-jigan siyasa, ciki har da tsohon Gwamnan Jihar Jigawa, Malam Muhammad Badaru Abubakar. #ArewaforAsiwaju #A4A

Gwamnatin Tarayya Ta Ƙaddamar da Sabon Tsarin Lamunin Kuɗi na SPARK Gwamnatin Tarayya, ta hannun Hukumar Kula da Lamunin Kuɗi ta Ƙasa (CREDICORP), ta ƙaddamar da sabon tsarin samun lamuni mai suna SPARK. Muhimman bayanai: Ana amfani da lambar *347*333# ta kowace irin waya. Ba sai an haɗa da intanet ba. An tsara tsarin ne musamman domin taimaka wa waɗanda ba su taɓa karɓar lamuni ba da sauran ’yan Najeriya da ba su da tarihin karɓar lamuni a hukumance. Idan mutum ya karɓi lamuni kuma ya biya a kan lokaci, hakan zai taimaka masa wajen samun tarihin karɓar lamuni a hukumance, wanda zai iya ba shi damar samun lamuni mafi girma a nan gaba. #ArewaforAsiwaju #A4A

Shugaba Tinubu ya taya Sarkin Musulmi murnar cika shekaru 20 a kan karagar mulki Shugaba Bola Ahmed Tinubu ya taya Mai Alfarma Sarkin Musulmi, Alhaji Muhammad Sa’ad Abubakar III, murnar cika shekaru 20 a kan karagar mulki, inda ya yaba da gudummawarsa wajen tabbatar da zaman lafiya, haɗin kai da fahimtar juna tsakanin addinai. Tinubu ya kuma jinjina masa bisa ƙoƙarinsa wajen inganta ilimin ’ya’ya mata, tallafa wa manoma, kiwon lafiya da taimakon marasa galihu. Ya roƙi Allah Ya ƙara masa lafiya, tsawon rai da hikima domin ci gaba da yi wa al’umma da ƙasa hidima. #ArewaForAsiwaju #A4A

Bidiyo: Shugaba Tinubu ya karɓi gwamnonin jihohin Yobe, Kwara, Kaduna da Borno, tare da manyan jiga-jigan jam’iyyar APC, a wani liyafar cin abinci da aka gudanar a ƙasar Saudiyya. Shugaba Bola Ahmed Tinubu ya yi addu’ar Allah Ya albarkaci Najeriya, tare da bayyana fatansa na ganin ƙasar ta mayar da bambancin al’ummarta zuwa ci gaba, wadata da nasarorin da kowa zai amfana da su. #ArewaForAsiwaju #A4A

2027: Gwamnan Kano ya yi hasashen Tinubu zai samu kuri'u sama da miliyan 1.5 a jihar Gwamnan Jihar Kano, Abba Kabir Yusuf, ya bayyana cewa Kano ta yanzu ta sha bamban da ta shekarar 2023, yana mai nuna yakinin cewa Shugaba Bola Ahmed Tinubu zai samu kuri'u sama da miliyan 1.5 a zaɓen 2027. Ya kuma bayyana cewa Kano za ta kasance jiha ta farko da za ta bai wa Tinubu gagarumin goyon baya tare da tabbatar da nasararsa a zaɓen shugaban ƙasa. "Na yi imanin cewa za mu samu kuri'u sama da miliyan 1.5 ga Shugaba Bola Ahmed Tinubu. Kano za ta kasance jiha ta farko da za ta kai ga tabbatar da nasarar Bola Ahmed Tinubu." — Abba Kabir Yusuf, Gwamnan Jihar Kano #ArewaForAsiwaju #A4A

“Shiga cikin Ka’aba mai tsarki tare da Shugaba Tinubu wata ni’ima ce da ba za a iya misalta girmanta ba.” – Abdul Samad Rabiu” #ArewaForAsiwaju #A4A

Tinubu ya bayyana matakan da gwamnatinsa ke ɗauka wajen inganta wutar lantarki A ranar 1 ga Nuwamba, 2026, Dele Alake ya bayyana cewa Shugaba Bola Ahmed Tinubu na ci gaba da ƙoƙarin magance matsalolin wutar lantarki a Najeriya, tare da cika alƙawarin inganta samar da wuta da kawo ƙarshen cajin kuɗi bisa ƙiyasin amfani . Alake ya ce daga cikin matakan da gwamnatin Tinubu ta ɗauka tun bayan hawansa mulki akwai: 1. Dokar wutar lantarki ta 2023: Buɗe damar da jihohi za su iya samarwa da rarraba wutar lantarki da kansu. Kaduna, Legas, Oyo da Enugu na daga cikin jihohin da suka fara cin gajiyar dokar. 2. Samar da na'urorin awo: An samar wa kwastomomi sama da miliyan 1.5 da na'urorin awo domin rage matsalar ƙiyasin kuɗin wuta. 3. Biyan tsoffin basussuka: Ƙaddamar da shirin Naira tiriliyan 4 domin biyan basussukan kamfanonin wutar lantarki, inda aka tara sama da Naira tiriliyan 1.2 a matakai biyu na farko. 4. Inganta tashoshin wuta: Ana gyara tashoshin wutar lantarki guda biyar, tare da shirin gina sababbi guda takwas da gyara wasu guda huɗu. 5. Wutar hasken rana: Haɗa jami'o'i, asibitoci da al'ummomin karkara da wutar lantarki ta hasken rana. 6. Kare masu ƙaramin ƙarfi: Samar da tsarin Service Bands domin inganta kasuwar wutar lantarki tare da rage wa masu ƙaramin ƙarfi nauyin kuɗin wuta. A cikin sanarwarsa, Dele Alake ya ce: "Shugaba Tinubu bai kauce ko kaɗan daga alƙawarin da ya ɗauka ba. Yayin da yake neman wa'adi na biyu, zai gabatar wa 'yan Najeriya nasarorin da aka samu a ɓangaren wutar lantarki, tare da bayyana abubuwan da suka rage a kammalawa." Ya kuma jaddada cewa gyaran ɓangaren wutar lantarki aiki ne da ake ci gaba da gudanarwa. #ArewaForAsiwaju #A4A