.. retweeted
القلب فز وجاله من اقصاه:
مَودّع القلب الشقي راضي
قلبٍ يخلي كل من خلاااه:
لكن معاه القلب متغاضي
مدري سرقته كلمةٍ من فاه:
ولا عيونٍ جمرهاا لاضي
يخطي وانا امشي في سبيل رضاه:
هو الحكم والخصم والقاضي
لحد يدور .. مثله وحلياه:
عشان ما يتعب على الفاضي
أظن ماله في الوجود اشباه:
الزين ذا جانا من الماضي
.. retweeted
ثلاثة أيّام راحت بك ولا رجّعوك
يا قافي اللّي من بحور الخليل يغرف
يـ الله بـ عصماً مجانيها مجاني ملوك
في صدر الأبداع تقلط ما تقلّط طرف
لو ما اغنم من قصيدي غير لا فض فوك
شهادة المنصفين اكبر غناة وشرف
يزفّها الليل لـ الوجه البشوش الضحوك
بنتً لها القلب منزل و الحنايا غُرف
نجديّة المنسب اللي بـ السحاب أوجدوك
يا كم شقا بك خفوق و كم بكا لك طرف
اذهلتي انصار شعار النبط واذهلوك
في وصف عودن تمايل بين ضيق وترف
يا مطيّرة عقل مثل افعال جدّك وابوك
محاسنك حولها استفهام ما تنعرف
ان قلت عينً وسيعة فيك خصر محبوك
بـ المختصر لو بحصر اوصافها ما أعرف
غير انك أبداع مالك شبْه لو شبهّوك
ويحبك القلب لكن ما قوى يعترف
.. retweeted
جعل السحاب اللي على نجد مرجود
يرخي هماليله ، غمامه غمامه
لي في مثاني نجد مدهال و عدود :
وغيداً لها في مفرع العنق شامه .
تلعب على الانسام لا هبت النود
طفلة هوى ، و ملاعبتها حمامه
ما دونها الا سيفٍ املح و بارود
وهذب الاصيل اللي يِجوّد لجامه :)
طَلّت من النافذة وأشرق محياها
مع طلعة الشمس طلّت شمس خلاني
شمس السما كيف شمس الأرض تنساها
تلاقت أنوارهم يوم الله أشقاني
الأولى من بروج الشرق مبداها
والثانية قابلت فالمشرق الثاني
والله لو الشمس تدري ما تحداها
مصدر شعاع الجمال وبنت شجعاني
في سيرة العشق طاريها وذكراها
وفي سيرة المجد جد وسيف وحصاني
محلا صباحاً يقربها ومحلاها
لو شوفها حرك الوجدان وأضماني
في لحظة تنر كبدي على ماها
ياليت برق الحيا اللي شفته أسقاني
مجنونة الحب، والمجنون يهواها!
وليا نصحته يبادرني بعصياني
أحلى جميع الدرر فالكون وأغلاها
خلتني أجاذب الونات حيراني
وأعزف لها القاف وأنا من ضحاياها
وأشره على الشعر والمعنى وألحاني
عامين والقلب متعلق برجواها
يصلاني القيض والوسم يتعداني
أهيم وأتبع هواجيسي ومسراها
في ليل همي وحسراتي وحرماني
حطيتها وسط قلبي رغم فرقاها
وصارت على البعد تأمرني وتنهاني
واليوم مدري بختها وين وداها
ولا هي تدري نصيبي وين وداني
مكتوب يمضي عليها كل ما جاها
ومكتوب يمضي عليّ كل ما جاني
فيصل الرياحي
.. retweeted
يا ظل الشجْرة الي في ثرى مرباي
عسى باقي من جذور المحبّة عرق
تباكرك النسايم، وأنت غصنك ناي
وأنا بالي تهودل به حمامة ورق
ذكرتك.. والشعر غْفلٍ شعاه حداي
وأنا عسّاس، ولـ شلفاء الطواري زَرْق
عذلت النفس دونك.. والعشم جرّاي
وأثر حقّ المساعي منك يوخذ سرق
وأنا من ذمةٍ تاسع خَطاك، «أبراي
لوجه الله تعالى» والنحيّة شرق
نجوم الليل ما دلّت حثيث خطاي
وقطين العام قفرٍ ما دَرَج به عرق
عسى خبتٍ فهقه الرَكْب في مسعاي
يحد البدو لـ عدوده مخايل برق
يا مقسوم القدر، مما يجيب أقصاي
فوجهك لا توقّف بي في مفرق طرْق
وعوَض ما فات منّي.. في الزمان الجاي
حقوق الوجه الأبيض، والدموع الزرق
ذخرت أصدق دواعي ضحكتي لـ بكاي
-ومثل ما للمشاعر- للحقايق طرق
.. retweeted
أوّدع الشمس مثل اللي يوّدع قتيل
و أجامل الليل و يرد المنام السهر
يا مرني ليلً البارح ماهو بـ اي ليل
ادمى المعاليق واسرف في المحاني جهر
لـ المستريحين يمضي مثل قدح الفتيل
ويصبّه الوقت فوقي مثل صب النهر
فـ بركته يْقوم لـ القيفان رش ومسيل
وأدنى عقايبه نارً ما تطّفى شهر
لقيت في ساعته لـ هجوس فكري دليل
وغنيّت فيها قصيده فارقه و أنشهر
العاشق يْحايل الدمعه لكن ما يحيل
عن مايسات القدود ملازمات الطهر
مثلوجة الريق شيخة كل طرفً كحيل
لك القصايد قلايد و النوادر مهر
الله عطاك الجمال الطاغي المستحيل
اللي على غيري مْن الناس ماقد ظهر
أجزم لك بـ كل ما اوتيت بـ انْك الحصيل
من الليالي و من جور الزمن و القهر
سبحان من بـ أمره تْقوم الخطوب وتزيل
اللي لـ جيدك رفع واللي لـ عودك صهر
مازلت لـ الوصل متفاني وأدور سبيل
لو شح فيك النصيب وجاد فيك الدهر


















