BekaBOY 0.2

“Waheshimiwa Majaji, naomba nimalizie. Uamuzi wa kunitia hatiani kwa kosa ambalo sikushitakiwa nalo, na ambalo sikupata fursa ya kujitetea dhidi yake, kwa lengo la kubalansisha tu, una athari kubwa. Athari yake ni kwamba mmewapa kinga wale waliohusika na mauaji, kwa sababu watasema kwamba wale waliochochea wamekutwa na hatia. You are covering mass murderers. Serikali hii imeua watu wengi kuliko serikali zote zilizowahi kutawala nchi hii. Mara ya mwisho mauaji ya halaiki kutokea kwa kiwango hiki ilikuwa wakati wa Vita vya Majimaji. Mmewapa sababu ya kusema kwamba mkosaji aliyesababisha mauaji hayo amekutwa na hatia. Kama mnafikiria kwamba uamuzi huu utawasaidia, hautawasaidia. Watawajibishwa mahali pengine. Serikali ya Nyerere iliua watu 37. Wakati huo, Mwinyi alikuwa Waziri wa Mambo ya Ndani na alijiuzulu. Shahidi alikuwa Mkuu wa Jeshi la Polisi (IGP) na alijiuzulu. Mkuu wa Mkoa wa Mwanza, Peter, naye alijiuzulu. Leo hii, serikali imeua watu ambao idadi yao, kwa makadirio ya chini kabisa, ni 500, lakini hakuna aliyejiuzulu. Uamuzi wenu hautaficha ukweli huo. Nimewakumbusha, Waheshimiwa Majaji, kwamba katika Sentencing Guidelines, kipengele cha kwanza kinaelekeza kwamba adhabu ya faini itolewe isipokuwa pale ambapo kosa ni kubwa. Uchochezi, ambao sikushitakiwa nao, hauna adhabu maalumu. Ndiyo maana Wakili Mkuu wa Serikali anakwenda kwenye General Provisions. Waheshimiwa Majaji, namalizia kwa kusema: TOENI HUKUMU AMBAYO MNAYO, AMBAYO MMEAGIZWA KUITOA.” Tundu Antiphas Mughwai Lissu, 6 Novemba 2026, Mahakama Kuu ya Tanzania, katika hukumu ya kesi yake ya uhaini.

“Waheshimiwa Majaji nashukuru kwa fursa ya kuzungumza. Naomba mnisikilize kwa makini kama ambavyo mmenisikiliza kwa makini mwaka mzima. Naomba pia m’rekodi proceedings kama mlivyo’rekodi vizuri mwaka mzima na nusu. Leo Waheshimiwa majaji ni siku ya 577 nikiwa gerezani kwa kosa la uhaini. Ndiyo kosa kubwa Kuliko yote katika Jamhuri ya Muungano. Ndiyo kosa pekee lililotamkwa katika katiba, kosa la uhaini. Kwa siku 577 nimeitwa mhaini. Kosa ambalo kwa mujibu wa kifungu cha 39(2)(d) ambapo adhabu yake inaeeza kuwa ni KIFO. Baada ya siku 577 baaada ya wingu jeusi la adhabu ya kifo kuning’inia juu ya kichwa changu. Leo Waheshimiwa Majaji mmeniita MCHOCHEZI. Kosa ambalo wala halijapangiwa adhabu. Unaona hapa, wakili mkuu wa serikali anahangaika kutafuta hii adhabu yake ni nini., anasema nipewe adhabu kali ili iwe fundisho kwa wengine, nihukumiwe kifungo cha miaka mitano gerezani. Hii maana yake ni nini Waheshimiwa Majaji? Waheshimiwa majaji mmesema wenyewe hakukuwa kosa. Kwa hiyo nimekaa gerezani siku 577 bila kosa lolote. Kuna kitu kimoja hamjakisema nitakisema kwa ajili ya kumbukumbu za Mahakama. Ushahidi wangu umethibitisha kwamba hii ilikuwa kesi ya kisiasa. Kugeuza Mahakama kuwa uwanja wa mapambano ya kisiasa, it’s an obvious political persecution. Kwa sababu ni political persecution inabidi vi’sababu vitangenezwe vya kumfunga huyu mgomvi wetu. Vi’sababu vya kumfunga huyu mpinzani wetu. Hili kosa la UCHOCHEZI ni kisa ambalo ninyi Waheshimiwa Majaji mmelitengeneza. Mimi nilishitakiwa kwa UHAINI na kusambaza taarifa za uongo. Mmetafuta kosa ambalo halikuwepo, mmenipa. With all due respect mmefanya hivyo kwa sababu za kisiasa na kwa maelekezo ya kisiasa tu. Ni kama mmeambiwa, huyu mtu hana kosa lakini tafuteni kosa lingine dogo, isije ikaonekana serikali imepata aibu. Mimi ninajua mtani’hukumu. Na mnaonekana tayari mnayo hukumu, l feel it in my heart.” Tundu Antiphas Mughwai Lissu, O6 November 2026, Mahakama Kuu ya Tanzania katika hukumu ya kesi yake ya uhaini.

Coletha Clavery Ntidyicha (31) ni Mwenyekiti wa BAVICHA Mkoa wa Kigoma. Alikamatwa 14 Oktoba 2026, Kwa Aziz Ally, Temeke. Leo, baada ya siku 21, ameshtakiwa kwa makosa ya ugaidi katika Mahakama ya Hakimu Mkazi Dar es Salaam - Kisutu. Hati ya mashtaka inaeleza kwamba, kati ya 01 Agosti 2026 na 23 Oktoba 2026 ndani ya Jiji na Mkoa wa Dar es Salaam, alitoa ushauri kwa umma kushiriki katika kutenda vitendo vya kigaidi.

MARIDHIANO BILA UKWELI NA UWAJIBIKAJI NI USALITI. Historia haina huruma kwa watawala katili. Historia inatunza kumbukumbu za sauti zilizopazwa mchana, lakini zikamezwa na giza totoro. Leo watawala wanazungumzia maridhiano, neno tamu vinywani, lakini lenye makovu makubwa moyoni Humphrey POLEPOLE Mwanachama mwandamizi wa CCM, alisimama, akanyoosha kidole hadharani akasema: “Tupatane kwanza kabla ya uchaguzi” Akatekwa, akapotezwa. Alipotea kwa hiari au alipotezwa kwa lazima? Sauti yake ikawa kama mwangwi uliopotea bondeni Jaji Joseph Sinde WARIOBA Mzee wetu wa heshima, akapaza sauti: “Tusikimbilie sanduku la kura bila maridhiano.” Badala ya kumsikiliza, mawe yakawa majibu yake. Mzee wa heshima akazuiwa, akawa mfungwa wa mawazo yake mwenyewe ndani ya kuta za nyumbani kwake Askofu Josephat GWAJIMA, Mtumishi wa Mungu akajitokeza, akashauri CCM na watawala, nchi inahitaji uponyaji, majadiliano kabla ya kwenda katika uchaguzi. Akashauri, uchaguzi huru na haki ni tunda la amani. Hakusikilizwa. Akapuuzwa. Akatukanwa. Akashambuliwa Fr. Dr. Charles Hugo KITIMA, Mwanatheolojia, alipojaribu kutoa ushauri wake wa busara kuelekea uchaguzi mkuu akiwa salama ndani ya makazi ya Maaskofu, alivamiwa na maharamia. Alishambuliwa. Akaonewa sana. Akayaona mauti moja kwa moja usoni kwake. Mbaya sana Captain John Charles TESHA? Askari wa JWTZ, alisema mengi, akataka maridhiano ya dhati. Akasema mifumo imeharibika na inahitaji marekebisho. Leo, sauti yake imekuwa kama redio iliyozimwa ghafla katikati ya msiba mzito. Tesha na wengine, walioona mvua kabla ya mawingu Tundu Antiphas Mughwai LISSU Mwanasheria mashuhuri, Mwanasiasa nguli, na Mwenyekiti wa CHADEMA, alizunguka kuwaeleza wananchi kuhusu umuhimu wa ‘NO REFORMS, NO ELECTION”, hakuvumiliwa, akakamatwa akiwa katika ziara za CHADEMA, ameshtakiwa kwa UHAINI Na wengine wengi, waliotekwa na kupotezwa. CHADEMA hatuwezi kusahau. Chini ya jua kali na mvua za EL NIÑO, ngurumo na radi, tulipita katika matope tukidai kitu kimoja: Mageuzi ya msingi kabla ya Uchaguzi. Lakini majibu yalikuwa ni kutekwa, magereza na kuzuiliwa kufanya siasa Shingo za watawala zilijawa na kiburi, mioyo ikawa migumu, mkiamini ushindi ni kuiba kura na si kuchaguliwa na wananchi. Hamkutaka kuchaguliwa. Mkajitangaza washindi kwa ushindi wa kishindo. Watu milioni 32 walishiriki uchaguzi wapi? Vongozi wa kiroho hawakubaki kimya. Walionya na walisema maridhiano si chaguo, ni hitaji la lazima ili taifa lipumue. Lakini, shingo za watawala zilikuwa ngumu sana. Mkajiona miungu watu msiohitaji ushauri wa ardhi wala mbingu. Mkasonga tu Mdude Nyagali alivamiwa usiku, akatekwa na kupotezwa. Deusdedith Soka alitekwa na kupotezwa. Dioniz Kipanya alitekwa na kupotezwa. Mamia ya vijana wa CHADEMA, watoto wazalendo wa Tanzania, walitekwa na kupotezwa. Hii ni tabia mbaya Baada ya kuitimiza azma yenu na kuwapoteza watu wenye sauti na kuwapiga mawe watu wenye hekima; baada ya kuvuna mlichokusudia kwa nguvu. Mmefikia kile mlichokusudia. Mlichokikinga, mlichokilinda, mlichokitimiza kwa nguvu zote Mnataka maridhiano ya aina gani? Maridhiano ya kumsafisha mkosefu bila kutubu? Maridhiano ya kunyamazisha watu waliojeruhiwa kwa risasi za moto, ili msisikie sauti za maumivu yao? Maridhiano ya dhati yanayoanza na KUKIRI MAKOSA na KUWAJIBIKA? Sasa, tumekataa ulaghai HAKI za watu wote waliouwawa, waliopotezwa, waliofungwa gerezani, na wote waliojeruhiwa. Maridhiano bila ya wahusika kukiri makosa yao ni kiini macho. CHADEMA hatuwezi kutumika katika safari ya wananchi kuelekea kusikojulikana Maridhiano bila haki ni usaliti Maridhiano ya kweli yanahitaji ujasiri kukiri makosa, si ujasiri wa kuficha yaliyopita. Yanahitaji haki, si hila. Yanahitaji sauti zisikike, si sauti za wapinzani kuzimwa ili zao pekee zisikike. Wapinzani waseme wapi panavuja. Watawala wakiri makosa Kama mmetimiza mlichokusudia, angalau kuweni na ujasiri wa kusema: Tulikosea. Msione aibu. MLIUA. MMM, Martin Maranja Masese, Mtikila