اجيك ؟ ليه اجي وانزل مقامي
دامي فراغ تجيه كل ما أتفضى
أنسى ابين لك غلاي وغرامي
دامك تشوف الحب لعبه وفوضى
ان كان منت مقتنع من كلامي
عساك ما تقتنع ولا عاد ترضى .
ياما على وصلك ركضت و تعنيت
وفتحت لك قلب من الحب تايب
وياما كسرت خاطري كل ماجيت
أرجع ودمعي فوق خدي سكايب
والحين عنك ياهوى البال صدّيت
حال الفراق وخاطري منك طايب
حديتـني للبعد ما كنت ناوية
خيرتـني مابين عـزي وذلـي
انت الوحيد اللي انا كنت إغليه
واخذتـها حجه وعـناد وتغلي
قلب مليته بالعتب وين أوديه
ابغاك مره تحط نفسك محلي
انا تعـبت أشيـل حبك وترميـه
وشلون هاين تجرحه وانت خلي
خليتني في وقت محتاجلك فيه
هذا وانا اللي كنت اسميك ظلي
