صديقتي بتعمل بحث عن غزة، بتكلم ناشطة من جوة القطاع بتساعد النساء إنهم يهتموا بالنظافة الشخصية لأطفالهم في عدم وجود مياه ، فقابلت ام كل حديثها عن طفلها الرضيع اللي حاضناه، فقالت لها طب وريهولي كدة أوريكي إزاي تهتمي بنظافته، بتشيل عنه الغطاء لقيته "دمية" عروسة كان ابنها بيلعب بها قبل ما يتقتل، لكن الام عندها صدمة عصبية وبتعامل الدمية على انها ابنها طول الوقت فكرة إنك تفضل تعامل حد على إنه بطل وخارق وبيتحمل أكثر منك، هي فكرة ظالمة وجاحدة وكلها ضغط وعبء ، الناس اللي بتفرض على أهل غزة يكملوا "موت"، أنت مش من حقك تختار بدالهم هم بس اللي من حقهم يقرروا بموتوا أو يفقدوا حبايبهم فكرة إن أمهات غزة بيتحملوا موت اولادهم قدام عينيهم علشان هن مختلفات ، فكرة ظالمة ومؤذية