عمران خان سے زیادہ غریب نواز، دردمند اور خدا خوف شخص میں نے اپنی زندگی میں نہیں دیکھا۔ اور شاید قسمت کی ایسی مہربانی بھی کسی اور کے حصے میں کم ہی آئی ہو، جیسی عمران خان کو ملی۔ آج کے یہ نامساعد حالات، یہ آزمائشیں اور یہ مشکلات نہ جانے کیوں مجھے یوں محسوس ہوتی ہیں جیسے قدرت عمران خان کو آنے والے وقت کے لیے تیار کر رہی ہے۔ شاید یہ وقت اسے مزید مضبوط، مزید ثابت قدم اور اس ذمہ داری کے لیے تیار کر رہا ہے جو آنے والے کل میں اس کے منتظر ہے۔ ان شاء اللہ، جیل کے دروازے بھی کھلیں گے، حالات کی بیڑیاں بھی ٹوٹیں گی، اور خان ایک بار پھر اپنی 24 کروڑ عوام کے درمیان ہوگا۔ وقت ہمیشہ ایک سا نہیں رہتا؛ ظلم کی رات کتنی ہی طویل ہو، صبح کا اجالا اپنا راستہ بنا ہی لیتا ہے۔ گر آج تجھ سے جدا ہیں تو کل بہم ہوں گے یہ رات بھر کی جدائی تو کوئی بات نہیں گر آج اَوج پہ ہے طالعِ رقیب تو کیا یہ چار دن کی خدائی تو کوئی بات نہیں جو تجھ سے عہدِ وفا استوار رکھتے ہیں علاجِ گردشِ لیل و نہار رکھتے ہیں