🇵🇰🇺🇸 تبسم 🌹

الہام ！ چاند نما شخص ؟ ہممم بولو ！ مجھے تم سے ڈھنگ سے محبت کرنا نہیں آرہی ہے (ہر لفظ ادا کرتے ہوئے اسکی زبان کپکپا رہی تھی ) اور تمہیں ایسا کیوں لگ رہا ہے ؟ کبھی کبھار تم محسوس ہوتے ہو اور کبھی کبھار تم محسوس ہونا ایک دم بند ہوجاتے ہو تب میں خود کو بڑا ناکارہ محسوس کرتی ہوں ！ ہمممم！ تم مجھے الہام کے بارے کیوں نہیں بتاتے ہو الہام مجھ پر مکمل کا مکمل نازل کیوں نہیں ہوتا ہے (اب وہ باقاعدہ رونے لگ گئی تھی ) تڑپ کو مزید بڑھاؤ اس چاہ کے ساتھ کہ تم الہام کے درجے پر فائز اس لیے ہونا چاہتی ہو کہ محبوب کے اور قریب ہو سکو ！ تم جانتے ہو چاند نما شخص جب تم ایک دم محسوس ہونا بند ہوجاؤ نا تو لگتا ہے کسی نے مجھے تمہارے قدموں سے اٹھا کر پٹخ کر کہیں دور پھینک کر مارا ہو ！ تڑپ کو اور بڑھاؤ ！ کتنی محنت کرنی پڑتی ہے ؟ اتنی ہی محنت جتنی محنت ایک ولی کو کرنی پڑتی ہے ！ ولی کون ہوتے ہیں ؟ اللہ کے دوست ہوتے ہیں ！ اللہ کیا مجھ سے دوستی کرے گا ؟ ہاں ضرور کرے گا ！ لیکن اگر اللہ نے کہا کہ میں اس کے پاس اس لیے آئی ہوں تاکہ اپنے محبوب کے قریب ہوجاؤں تو کیا اللہ کو برا نہیں لگے گا ؟ نہیں اللہ کو کچھ برا نہیں لگتا ہے اسکا بندہ اس کے پاس جائے اس کیلئے اتنا کافی ہوتا ہے ！ چاند نما شخص ！ جی ！ تمہیں کیا لگتا ہے میں تمہارے پاس کیوں آتی ہوں ؟ بس ایک ہی وجہ ہے تمہاری یہاں آنے کی اور وہ وجہ محبت کی خوراک ہے جو محبت کو زندہ رکھنے کیلئے چاہیے ہوتی ہے ！ تمہیں یہ سب کیسے معلوم ہوا ہے ！ مجھے تمہارے بارے الہام ہوتا ہے پگلی ！ اور کیا کیا الہام ہو رہا ہے ؟ یہ ہی کہ تم اس وقت انتہائی کرب میں ہو اور سنو پگلی محبت اور الہام ایک ہی کیفیت کے نام ہیں جب دو دل ایک دھاگے سے باندھ دیئے جاتے ہیں تو ڈھرکن سے لے کر ہر احساس محسوس ہوتا ہے ！ پھر تم مجھے محسوس ہونا کیوں بند ہوجاتے ہو ؟ تمہارا دماغ بیچ میں آجاتا ہے جب دماغ سوچوں کو پیدا کرتا ہے تو الہام پردہ کر لیتا ہے ！ میں سر کاٹ کر اگر تمہارے قدموں میں رکھ دوں تو کیا دماغ رکاوٹ ڈالنا بند کر دے گا ؟ سوچوںتم نے اپنا سر میرے قدموں میں رکھ دیا ہے ！ مجھے اب تم ہر وقت محسوس ہوگے نا ؟ ہاں ！ میرا دل کرتا ہے کہ میں تم سے ایسی محبت کروں جیسی آج تک اس دنیا میں کسی عورت نے کسی مرد سے نہ کی ہو ایسی محبت کہ حقیقت کو ہار مان لینی پڑے ایسی محبت کہ تم میلوں دور ہو لیکن مجھے تمہاری ہر کیفیت تمہارے بتائے بغیر محسوس ہوجائے یہ تڑپ بڑھتی جا رہی ہے چاند نما شخص (وہ اب باآواز بےبسی سے رو پڑی تھی ) اچھا اب رونا بند کرو ورنہ میں بہت غصہ کرونگا اور جو میں کہہ رہا ہوں وہ ڈائری میں لکھتی جاؤ پگلی ۔۔۔ جیسے محبت کی سیڑھیاں ہیں ویسے ہی الہام کی سیڑھیاں ہیں اور جب کوئی عاشق الہام کے راستے چل پڑتا ہے تو وہ ایسے ہی تڑپتا ہے اسکو اور زیادہ اور زیادہ اور پھر اس سے بھی زیادہ کی تمنا ہوتی ہے کہ اسے الہام ملے اور جب الہام مکمل کا مکمل نازل ہوجاتا ہے وہ سکوت اختیار کر لیتا ہے ！ جیسے تم نےسکوت اختیار کر لیا ہے ؟ ہاں ！ کتنی سیڑھیاں ہیں الہام کی ؟ ہر انسان کو اسکی استطاعت کے مطابق سیڑھیاں ملتی ہے کس کا دل کتنی سیڑھیاں پار کرنے پر الہام کو اوڑھے گا یہ بس خدا جانتا ہے پگلی ！ تمہاری خدا سے بات ہوتی ہے ؟ معلوم نہیں ！ تمہیں الہام ہوتا ہے تم خدا سے بات کرتے ہو میں جانتی ہوں تمہارے چہرے پر سکون کی ایک لہر ہے جو مجھے بتا رہی ہے کہ تم خدا سے بات کرتے ہو ！ اور یہ لہر تمہارے علاوہ آج تک کوئی نہیں دیکھ پایا ہے جو یہ ظاہر کر رہا ہے کہ تم اس وقت الہام سے ہو ！ خدا کو کہو مجھ سے بات کرے ！ کیا بات کرنی ہے ؟ خدا کو کہوں گی کہ میرے جسم میں بس دل کو رکھے باقی میری سوچوں کو وہ موت دے دے یہ سوچیں میری محبت میں رکاوٹ پیدا کرتی ہیں ！ ان رکاوٹوں کو ختم کرنا ہی محبت کی آزمائش ہے پگلی ！ کیسے ختم کروں؟(وہ مزید بےبسی سے بولی ) جب دنیا تمہاری طرف بڑھے تم کسی تیز ہوا کے جھونکے کی طرح جھومنے لگ جاؤ کہ ایک سفید پانی کے شیشے کی طرح بن جاؤ کہ دنیا تم سے آر پار ہو کر گزر جائے اور تم پر اپنا رنگ نہ چڑھا سکے ！ اسکے بعد کیا ہوگا ؟ اس کے بعد میں آؤں گا اور تمہیں تھام لوں گا اور محبت کا رنگ شیشے کی رنگت کو بدل دے گا پھر دنیا نہ تمہیں دیکھ پائے گی اور نہ مجھے ！ الہام دنیا سے فرار کا راستہ ہے ؟ ہاں الہام وہ راستہ ہے جو دنیا سے فرار مہیا کر کے محبت کے باغ میں لے جاتا ہے ！ میں اس وقت کہاں ہوں ؟ تم اس وقت راستے میں ہو ！ اور تم اس وقت کہاں ہو ؟ میں اس وقت محبت کے باغ میں ہوں ！ یعنی یہ سب بھی اور تم بھی میرے الہام میں ہو ؟ ہاں سب کا سب الہام ہے پگلی ！ عباس

میرے دوست تم نے انسان کو سمجھنے کی کوشش میں شاید اس کے لیے جینا مزید دشوار کر دیا۔ کافکا! تم نے انسان کو اس کی تنہائی سے تو آشنا کرایا، مگر یہ کیوں نہ بتایا کہ کبھی کبھی انسان اپنی ہی ذات میں اجنبی ہو جاتا ہے؟ تم نے زندگی کو ایک ایسی عدالت بنا کر پیش کیا جہاں جرم معلوم نہیں اور سزا مسلسل جاری ہے؛ مگر یہ نہیں بتایا کہ ہر شخص مجرم نہیں ہوتا، بعض لوگ صرف اپنے وجود کا بوجھ اٹھائے پھرتے ہیں۔ تم سے گلہ ہے کہ تم نے ہمیں دنیا کی بے معنویت تو سمجھا دی، مگر اس بے معنویت میں جینے کا کوئی ہنر نہیں سکھایا۔