Saba Satti

چند ماہ پہلے ایک عزیزہ کے ہاں بچے کی ولادت ہوئی سارا عمل خیر و خوبی مکمل ہوا لیکن اُسکے بعد دو تین مسلسل پیٹ درد محسوس ہونے پر دوبارہ ڈاکٹر سے رجوع کیا جس نے بتایا کہ آپ پریشان نہ ہوں سب کچھ نارمل ہے لیکن شاید آپکو گیس کا مسئلہ ہو رہا ہے جس وجہ سے یہ درد ہے لیکن چونکہ سی سیکشن کے دوران ڈاکٹرز کی لاپرواہی کی خبریں بھی کئی بار سنی جا چکی ہیں لہذا بہتر یہی سمجھا گیا کہ اپنی تسلی کیلیئے کسی دوسری ڈاکٹر کو بھی ایک مرتبہ چیک کروا لیا جائے لہذا گجرات کی ایک مشہور لیڈی ڈاکٹر کے پاس گئے جس نے اُن کا چہرہ دیکھتے ہی بھانپ لیا کہ اُن میں ہیموگلوبن کی اس قدر شدید کمی ہو چکی ہے کہ اب خون کی بوتلیں لگوائے بغیر یہ کمی فوری پوری نہیں ہو سکتی ساتھ ہی یہ بھی کہا کہ میرا تجربہ کہتا ہے کہ ایچ بی سات تک آ چکا ہے لیکن پھر بھی بہتر ہے کہ بلڈ ٹیسٹ کروایا جائے وہ اس بات پر بھی حیران ہوئیں کہ اتنی کمی کے باوجود خود چل کے کیسے کلینک تک آئیں لہذا نرس کو کہا کہ بچی سے خود چلنا تو ممکن نہیں ہو گا اسے بڑی احتیاط اور آرام سے بیڈ پر لٹاؤ اور بلڈ سیمپل لو لیکن اُن لوگوں نے بڑی سہولت سے بیڈ تک جانے سے انکار کرتے ہوئے خود لیبارٹری میں جا کر ٹیسٹ کروانے کو ترجیح دی اور اُن کے ہاسپٹل میں ہی موجود لیبارٹری سے بلڈ ٹیسٹ کروا کے رپورٹ لی تو واقعی ڈاکٹر صاحبہ کا تجربہ سو فیصد نکلا کہ ہیموگلوبن کی مقدار تو واقعی صرف سات رہ گئی تھی پھر پریشانی تو ہوئی لیکن اسکے باوجود وہ ایڈمٹ ہونے کے بجائے وہاں سے نکلے اور اُسی ڈاکٹر کے پاس جا کر رپورٹ دکھائی جہاں بچے کی ولادت ہوئی تھی وہ ڈاکٹر پہلے حیران ہوئی لیکن پھر خیال کیا کہ شاید یہی سچ ہو لیکن ظاہر ہے کہ اُن کے دل کو اطمینان نہ ہوا لہذا ایک دو اور جگہوں سے بلڈ ٹیسٹ کروایا جہاں ہیموگلوبن تقریباً بارہ تک شو ہو رہا تھا جو ظاہر ہے کہ بالکل نارمل ہے اب آپ اُس ذہنی تکلیف کا اندازہ کیجئے جہاں ایک ڈاکٹری رپورٹ کے مطابق فوری طور پر خون کی بوتلیں لگوائی جائیں اور دوسری کے مطابق سب پرفیکٹ ہے ایسے میں ایک انسان جسے بیماری میں خدا کے بعد ڈاکٹر ہی سے امید ہوتی ہے کہ وہاں جانے سے کچھ بہتری ہو سکے گی وہ کرے تو کیا کرے؟ جائے تو کہاں جائے ؟ اور بھروسہ کرے تو کس پر ؟ خیر ، پھر ہوا یوں کہ دوسری لیب انچارج کے پاس اُسی ڈاکٹر کی رپورٹ لے کر گئے کہ اس رپورٹ میں اور آپکی رپورٹ میں اس قدر فرق کیوں ہے ؟ اور ان میں سے کس کو درست سمجھا جائے “ سر ، ہم اپنی رپورٹ کی مکمل ذمہ داری لیتے ہیں اور آپ کے کہنے پر میں ایک مرتبہ پھر چیک کروا لیتا ہوں” وہاں موجود ذمہ دار نے کہا لیکن دوسری مرتبہ بھی وہی کہ ایچ بی بارہ تک ہی تھا لہذا اُسکے بعد رُخ اُن ڈاکٹر صاحبہ کی لیبارٹری کی طرف کیا گیا جنکے مطابق ایچ بی صرف سات رہ چکا تھا اور دوسری رپورٹس دکھا کر پوچھا گیا کہ ان میں فرق کی کیا وجہ ہے جس پر یہ افسوسناک انکشاف ہوا کہ ڈاکٹر صاحبہ کی مشینیں خراب ہیں اور اُنہوں نے کہہ رکھا ہے کہ مریضوں کا ایچ بی صرف سات سے آٹھ یا زیادہ سے زیادہ نو تک ہی لکھا جائے یعنی اُنکی رپورٹ تسلیم کر کے اُسی وقت خون لگوا لیا جاتا ، ہاسپٹل کے چارجز اُنکی جیب میں جاتے اور مریض کا کیا ہے بیمار ہو گا تو جائے گا کہاں آخر کو پھر وہیں آئے گا اور یہ کسی نئے طریقے سے اُسے لوٹنے کا بندوبست کئے بیٹھی ہوں گی جی ہاں ، یہ ہیں ہمارے وہ کچھ ڈاکٹرز ، جو باقی تمام نیک دل ڈاکٹرز کا بھی امیج خراب بلکہ برباد کر رہے ہیں اور جو بچپن میں اپنی کاپیوں پر ضرور لکھتے ہوں گے “ میں بڑی ہو کر ڈاکٹر بنوں گی / گا ، اور انسانیت کی خدمت کروں گی / گا “ پوسٹ لکھنے کا مقصد گجرات بلکہ ملک بھر کے رہائشی افراد کو آگاہی دینا تھا کہ کسی بھی اسپتال میں ڈاکٹر کے کہنے پر انکی لیب سے جب بھی کوئی رپورٹ کروائیں اور خدانخواستہ کوئی پریشانی کی بات ظاہر ہو تو کراس چیک کیلیئے کسی دوسری جگہ سے بھی ضرور کنفرم کر لیں کیونکہ آج کے دور میں فرض اور انسانیت ، پیسے کے سامنے ہار چکے ہیں ہمارا تمہارا خدا بادشاہ ! منقول انتخاب #آفاق_سومرو